Bacolod

Here's a few of my pictures in Bacolod with my boss, Ma'am Ayee. Maskara Festival that time, and we were able to buy some souvenirs(maskaras) before returning to Manila. Sorry, hindi ko pa madudugtungan ang part two ng Iloilo trip ko.

Iloilo-Bacolod Trip Part I

Biyaheng Iloilo

Bus, jeep, tricycle, pedicab, barko, kalabaw, lahat yata ng klase ng transportasyon ay nasakyan ko na, liban sa eroplano. Takot kasi akong sumakay dito, dahil ito ang sasakyang siguradong tigok ka kapag nagkaaberya(well, hindi naman lahat). Pero sa pagkakataong ito ay hindi ko na ito maiiwasan, lalo at mismong boss ko na ang bumili ng plane ticket para sa akin. Mas madali ka nga namang makakarating. Kaya wala na talaga akong nagawa.

October 18, 2007 ang biyahe ko patungong Iloilo, nakakatuwa at nakakainis ang naranasan ko mula rito. Mula opisina(sa Pasig)hanggang airport, andiyan ang trapik at siempre dahil first time ko ay medyo aanga-anga ako sa gagawin ko. Buti na lang at likas na sa akin ang pagiging makapal ang mukha at hindi ako nahiyang mgatanong. Dito ko nakilala ang isang babaeng nasa edad 50, at nagtatrabaho sa DOJ ng Aklan, at nagkataong kasabay ko rin pala sa eroplano. Nagkakwentuhan kami ng mahigit isang oras. Sa tagal ngb pag-uusap namin, napagkwentuhan na namin ang Boracay at Baguio, pero hindi namin natanong sa isa't isa kung anu ang mga pangalan namin.

Ala una pa siya naghihintay at napostpond ang flight niya kaya inabot siya nag limang oras sa paghihintay. Akala ko'y ligtas na ako, pero tulad niya, delayed din ang flight ko, imbes na 7:05 pm ay naging 8:40 na. Pero swerte pa rin kami kumpara sa ibang pasahero nung mga oras din iyon.

===

Marami pa akong gustong ikwento kaya sa susunod ilalahad ko yung ibang karanasan ko sa aking biyahe. Sa ngayon ay nasa Vigan ako, kasama ang mahal ko. Birthday ko bukas kaya nag-aantay ako kung ano ang sorpresa niya sa akin. :-)